Oporretatik bueltan etorri gara eta dagoeneko lanean gaude. Ongi etorri guztioi!

Aretxabaletako abesbatzak bere 30 urteko ibilbidea jasotzen duen dokumental historikoa aurkeztuko du irailaren 17an Arkupen. Artemanek landutako proiektu honen bitartez, bada, Aretxabaletako abesbatzaren historia bizia ezagutu daiteke.

Garaia Berrikuntza Gunean antolaturiko ekitaldi dotorean aurkeztu zuen MONDRAGONek Citycar auto elektrikoa. Jose Maria Aldecoa MONDRAGONeko presidenteak eta Jose Ramon Goikoetxea Automozio dibisioko lehendakariordeak eskaini zituzten azalpenak bertaratutako hedabideen aurrean.

Arteman Komunikazioa enpresa eta Intxorta 1937 Kultur elkartea gerra zibilaren gaineko dokumental bat grabatzen ari dira. Grabazioak, Bedoņa auzoko Bideso baserrian eta Arrasateko Iturriotz kalean eta Portaloian egin ziren iragan domekan.

Oraindik ere aurkezpenerako data zehatzik ez baldin badago ere, ekainean aurkeztu daiteke Arteman Komunikazioa Aretxabaletan grabatzen ari den dokumentala.

Aretxabaletako Udalak "Merkataritza kulturan blai" izeneko ekimena jarri du abian. Herriko merkataritza suspertzea da helburua eta horretarako, bada, kulturarekin uztartu du Udalak.

Bergarako Miguel Altuna Institutuak ikus-entzunezkoa estreinatu zuen apirilaren 16tik 18ra bitartean eginiko Lanbide Heziketaren gaineko bigarren azokan. Arrasaten eginiko azokan Debagoieneko zentroek euren eskaintza aurkeztu zuten, eta Miguel Altuna Institutuak bideo korporatibo berriaren bitartez egin zuen aurkezpena.

Aretxabaleta Lanbide Eskolak, ALEk, webgunea berritu du. Webgunearen helburua da institutuaren albisteak, zerbitzuak, ikasleei zuzendutako informazioa... modu dinamikoan, arinean eta erakargarrian zabaltzea.

Arteman Komunikazioa enpresa eta TU Lankide MONDRAGONeko barneko aldizkaria elkarlanean arituko dira martxotik aurrera. Izen ere, Artemanek kudeatuko ditu aldizkariaren zenbait gai; kooperatibetako berriak, en portada atala, personaje atala eta beste zenbait. MONDRAGON korporazioaren gaurkotasunaren gaineko notiziak hedatu eta kultura kooperatiboari buruzko hausnarketa plazaratu, horiexek dira TU Lankideren helburu nagusiak.

Ekomanager da tresna bat ingurumen eta energia adierazleak neurtzeko, kontrolatzeko eta kudeatzeko. Edozein sektoretan aplikatu daiteke: industrialean, administrazioan, etxebizitzetan...

Ekomanager hainbat enpresa kolaboratzaileen artean sortu da: CIMAS, Bilbon egoitza duen Grupo CMAE eta Aretxabaletako ingenieritza enpresa den ARITU.

Arteman izan da Ekomanageren irudi grafikoaren sortzailea.